店大欺客

初四啟市，但此時仍清楚傳來熱鬧的麻將聲，你話我番工個心去咗邊？

老細請客，揀無可揀只想著訂一間好少少的，於是選了城中名店「那星」酒家吃開年飯。年廿九訂位，今早再我打過去酒樓再打來re-confirm，即合共三次。準時到達一半人已到齊，眼看人頭湧湧都心知肚明訂了位也起碼等十五分鐘，結果要「口翕」多兩次，四十五分鐘後七個成年人圍坐四人枱去也。

都說店大欺客，那星酒家的服務態度本人已領教多次。就是不明白為何仍有那麼多人貼錢買難受。論食物質素，我不覺得特別好，尤其那盤菜，除了多幾塊鮑魚外，實在找不到任何賣點（何況鮑魚已經唔係咁矜貴之食物）論服務，well，don't mention it either...你時時刻刻都座無虛席食唔晒都叫晒啲客到咗先算，ok，我都算，但不用擱那副「西人」咀臉對著我，搞得像我的不是吧！

所以很多時候都會光顧那些服務質素標準化的連鎖餐廳（其他消費品如衣服亦然），是沒什麼性格但至少當你係客。那些歡迎光臨、多晒無heart得來起碼搭個職業化笑容沒那麼影響食慾。當然私人公司有權對生客擺款對熟客獻媚，但我想要的只是基本禮貌而已。