保齡

成為我每天上班的原動力。何解？一個game最便宜算它廿六元，四個已經一條紅衫魚游出褲袋，遇著星期六三十元一個game，都咪話唔「熔」。打慣house ball都尤自可，最慘打過我舅父個私家ball，又身痕想買一個，盛惠千多元。買得波唔爭在買多對鞋，又幾百。

一直想專心玩好一種運動，保齡算是不二之選。首先有私人教練（舅父打了十多年，經驗豐富）；其次不受天氣影響；約不到伴兒又可獨樂樂。今次適逢兩位舊同事興起，幾個人夾手夾腳才「叫得郁」我舅父出山教波，作為每個weekend的活動也不錯。

前日舊同事已開始買波買鞋，看來我下星期都走唔甩。